Nalon ibai ertzean, Llera herrian
Atzo, Lau Haizetara Gogoan Plataformaren hainbat kideek, haien artean Eusko Lurra Fundazioak, CNT-k eta Sare Antifaxistak, ekitaldi hunkigarria burutu genuen Asturiasko hiriburutik gertuko Llera herrian, Nalon ibaiaren ertzean.
Sigue leyendo
Gaur, Otsialak 1, Eusko Lurra Fundazioaren zenbait kideok, Lau Haizetara Gogoan Plataformaren beste hainbat kideekin batera, CNTkoak, Xare antifaxista eta abar, prentsaurrekoa eskaini dugu Bilboko epaitegien aurrean Iñaki Azkuna alkateak Oroimen Historikoaren legeak agintzen duen sinbologia frankistaren deseustatzea ez egiteagatik.
Azken urtetan Lau Haizetara Gogoan Plataformak eskatu duenean sinbolo hauek ingurune publikoetatik kentzea, udalak ez entzutearena egin du. Azken bolada honetan gainera, Iñaki Azkuna berak esan du ez daukala batere asmorik sinbolo frankistak kentzeko. Sigue leyendo
Berrizko udal plenoa
Joan den astean Berrizko udal plenoak atzera bota zuen Frankismoaren Krimenen Aurkako Kereilaren Euskal Plataformak Berrizko Bilduren bidez aurkeztutako mozioa.
EAJ-PNVk eta PSOEk ez zuten bultzatu nahi izan Argentinan Frankismoaren krimenen aurka bide judizial bat irekitzea. Horren arrazoia mozioaren zenbait puntuekin ados ez egotea izan zen. Puntuak dira, hain zuzen, Frankismoaren inpunitatearen aurka doazen puntuak. Erreforma Politikak Genozidio Frankistarekiko eta Estatu Terrorismoarekiko inpunitatea zalantzan jartzen dituztenak. Hala ere Berrizeko zinegotzi-alkateak gaia berriro eztabaidatzeko asmoa dute, EAJ-PNV eta PSOE mozioaren oinarrian “ados” daudelako. Sigue leyendo
Mallorkan aurkitutako Frankismoko fosa irikia
Duela hainbat hilabete zenbait talde, Eusko Lurra Fundazioa barne, Frankismoaren Krimenen Aurkako Kereilaren Euskal Plataforman elkarlanean gabiltza. Gure helburu komuna zera da: Frankismoaren krimenen kontrako epaiketa irekitzea “Bide argentinarra” delakoa bultzatuz. Espainiar Estatuan bide judizial guztiak itxita daudenez, derrigorrez Nazioarteko Justizian oinarritu beharra dago, ez dago beste modurik.
Eusko Lurra Fundazioaren aldetik zera lehenesten dugu lantegi honetan: Nazioarteko legedian oinarritutako protokoloak jarraituz, ahal den testigantza eta froga gehien jasotzea. Baita ere Genozidio Frankistaren biktimen gorpuzkinak berreskuratzerakoan ere. Horrela, etorkizuneko sumarioen frogak batzen joango gara. Sigue leyendo
Testu hau, Eusko Lurra Fundazioa partaidea den Lau Haizetara Gogoan plataformak moldatua, joan den urriak 12an Bilbon Herrirak antolatutako euskal preso politikoen eskubideen aldeko manifestazioaren partaideen artean banatua izan zen.
LAU HAIZETARA GOGOAN elkarte memorialista eta erakunde historikoen koordinadorak EUSKAL HERRIARENTZAKO EGIAREN BATZORDE bat eskatzen du. Azken urteak, erakundeei, alderdi sindikatu eta eragile sozialei batzorde horren beharra nabarmenarazten eman ditugu.
Azaroaren 17an, Martin Ugalde Kultur Parkean, Lau Haizetara Gogoan plataformak antolatutako Euskal Herriko Egiaren Batzordea eratzekoaren inguruan egindako foroa.
“Sasetarekin batera Asturiasen hildako gudarien gorpuzkinak Euskal Herrira ekarriko dituzte“ dio Naiz-ek abenduaren 26an Foru Aldundiak zein Donostiako Udalak emandako prentsaurrekoa laburbilduz.
Euzko Indarra batailoia Asturiasen
Martin Garitano, Gipuzkoako Ahaldun Nagusiak, Juan Karlos Izagirre Donostiako Alkateak eta Marina Bidasoro Giza Eskubideen eta Oroimen Historikoaren zuzendariak azaldu dutenez, bi erakunde horien arteko hitzarmenari jarraiki, Asturiasko Areces herrian Kandido Saseta komandantearekin batera hil zituzten gudarien gorpuzkinak Euskal Herrira ekarriko dituzte. Sigue leyendo
Datorren Abenduaren 10ean, astelehena, Bilboko Alde Zaharrean dagoen La Bolsa Udaltegian (Pelota kalea, 10), arratsaldeko 19,00etan, Eusko Lurra Fundazioa-ren eskutik “EAE-ANV 1930tik aurrera Ezker Abertzalea” dokumentalaren emanaldi publikoa izango da. Ondoren eta horren inguruan txarla-debatea ere egongo da.
Kontutan izanik, gaur egungo gertakariek iraganekoekin parekotasun kezkagarriak dituztela, gure herriaren Historia zati bat ezagutzeko aukera izango duzu.
DVDa ikusi eta txarla/debatean parte hartu nahi duen guztiak izango du bertan egoteko aukera. DVDaren iraupen osoa 50 minutukoa da.